Rol playing-a

HAUSNARKETA

Rol playingerako behar izan dugun dokumentazioa lortzeko Toki Eder ikastolan oinarritu gara, bertan kultur-aniztasuna, elkarlana eta bizikidetza sustatzen direlako.

Gurasoekin bilera  

Gaur 6.B klasean Josuren gurasoekin bildu da tutorea, honen jarrera kezkagarriari buruz hitz egiteko. Horretaz gain, jantokiko begiralea ere bileran egon da, umea jantokian nola portatzen den jakinarazteko.

Gurasoekin hitz egitean, tutoreak eta jantokiko begiraleak adierazi dute Josuk gehiegi hitz egiten duela klase orduetan, eta lagunekin jolasean ibiltzen dela ezin denean. Gainera, bai klasean bai jantokian irakasle eta begiraleak zirikatzen ditu. Honekin lotuta ere aipatzeko da jantokian eragin dituen hainbat istilu (janaria jaurtitzea, borrokak...).

Gurasoak (kasper taldekoek egindakoa) esandakoarekin harritu ziren, etxean ez baita horrela portatzen haien esanetan. Hala ere, irakasleak eta begiraleak esandakoa sinetsi zuten eta harekin hitz egiten eta neurriak hartzen saiatuko zirela esan zuten. Bestalde, adin honetako umeengan nahiko arrunta izan ohi da jarrera hori, beraz gehiegi ez kezkatzeko eta gaia lasaitasunez hartzeko eskatu zieten gurasoei.

Azkenik, irakasleak eta begiraleak umearen jarreraren eboluzioa aztertuko dute, etorkizuneko bileretan gurasoei jarrera zuzentzen laguntzeko eta umeari ikasketetan laguntzeko.

Kurstoko aurkezpena 

Astean zehar prestatzen egon garen rol-playing-ari gaur eman diogu amaiera. Inazio Ruiz tutorearekin eta Ageda Perez zuzendariarekin elkartu dira gurasoak, eta bertan 2014- 2015 ikasturteko plangintza azaldu diete. Guraso lanetan, Kasper taldeko hiru kide aritu dira eta oso gustura aritu direla komentatu digute.

Gaur kurtsoko lehenengo bilera izan dugu gurasoekin batera, eta ikasturteari buruzko informazioa plazaratu diegu txosten informatibo baten bidez. Bileran tutorea eta zuzendaria agertu dira eta kurtsoaren nondik norakoak azaldu dituzte gurasoen aurrean. Azalpena aurrera joan ahala gurasoen galderak sortzen hasi dira esate baterako, plastika orduetarako arropa zikinaren beharra, horrelako bilera gehiago egongo diren, kanpoko ekintzak, eta abar.

Tutoreak eta zuzendariak azaldu dutenaren artean honako hauek aurki ditzakegu: ordutegia, egutegia, eskolaz kanpoko ekintzak, jantokia, ikasgaien azalpen laburra eta urteko irteerak. Guraso elkartearen eta liburutegiaren inguruan hitz egin da eta gurasoen zalantzak argitu dira.

Honekin guztiarekin bilerari amaiera eman diogu eta hainbat ondorio atera ditugu. Horien artean honako hauek daude: tutore lanetan izandako esperientzia interesgarria, urtero bilera hau egitearen beharra, gurasoen aurrean adierazi beharreko konfidantza eta jokabide egokia eta abar.

Laburbilduz, etorkizunean aurkituko ditugun egoeren aurrean nola joka dezakegun ikasteko esperientzia interesgarria iruditu zaigu. Izan ere guraso eta irakasleen arteko harreman on eta estu bat gauzatzea ezinbestekoa da ikaslearen garapen egokia bermatzeko.

Ikasketak eta motibazioa

·         Motibazioa oso garrantzitsua da umeen heziketan: Honek eramaten ditu gauza edo ekintza desberdinetan interesatzera.

·         Motibazioa izateko beharrezkoak diren balioak: beharrak izatea, jakiteko desioa, tentsioa neurri txiki batean, deserosotasuna, eta aukerak zein itxaropena.

·         kanpo zein barneko eragileak:

            - Egin beharreko lanarekiko motibazioa: Ikasleak gogotsuago hartuko du modu                errazean bereganatutako eta ulertutako ikasgaia.

            -Norberarekin lotutako motibazioa, autoestimua: gaia ulertutakoan eta aurrera joan ahala ikasleak modu positibo batean ikusiko du bere burua,modu honetan ikasitakoa oinarri hartuta bere buruarekiko harrotasuna lortuko du.

            -Gizartean oinarritutako motibazioa: sozialki( irakasle zein guraso) bere gainetik daudenen onarpena beharrezkoa da, ondorioz haiekiko duen harremana.

            -Kanpoko sariekiko motibazioa: Behin helburua lortutakoan kanpotik etorriko diren sariak daude, gehien bat gizartearen oinarrietatik: gurasoen ordainsaria, urrezko matrikula eta abar.

       ·         Motibazioa aurrera eramateko:

            -Akatsak ikasteko modu baten moduan ikustea, eta ez ordea gaitasun ezaren seinale.

            -Arrazonamendua eta ulermena heziketa prosezuaren ekintzak zein gataztak konpontzeko tresna gisa erabiltzea.



Gaur egungo ikasleek eta aurreko belaunaldietako ikasleek ez dute motibazio bera, horren ondorioz hezkuntza sistema aldatu beharko litzateke, baina ez da horrela gertatu, izan ere hezkuntzak berdin jarraitzen du, ikasleen motibazio moduen araberako hezkuntza garatu gabe.

Irakaslearekin ikasitakoa

Irakasleei egindako elkarrizketen ondorioak gure artean partekatu ondoren, informazioa modu honetan antolatzea egokia iruditu zaigu, izan ere, hiru bloke nabarmentzen direla uste dugu: ondorioak, ikasitakoa eta sentsazioak. Modu honetan, garrantziaren arabera adar horiek hedatuz doaz eskema zabal bat osatuz.Eskema honek, guk ikasitakoa era labur eta argi batean erakusten du.

LOMCE-ren inguruko hausnarketa

Wert Hezkuntza ministroak gaur egungo LOE sisteman zeuden akatzak zuzendu nahiean LOMCE legea proposatu zuen, modu honetan Espainia mailan dagoen porrot akademikoa gutxitu nahian eta baita ere hezkuntza zentralizatuz, eskola kontseiluei indarra kenduz. Hala ere, gehiengoa proposamen honen kontra agertu da eta ez da leku guztietan bere osotasunean finkatuko.

Lomceren inguruko lana egiteko esan zigutenean lana bikoteka banatu genuen, alde batetik EAE-n izango zuen ondorioa, bestetik zein aldaketa emango ziren behin lege berria finkatuta eta azkenik, Espainiar estatura zein onura eramango dituen.

Informazioa bilatzen egon ginenean ez genuen zuzenean gure arloari zegokion ezer aurkitu, horren ordez, LOE eta LOMCEren arteko ezberdintasunak aztertu genituen, bai Espaniako Gobernuak publiko egindako txostena zein CCOO-k argitaratutakoa.

Gauza batzuk ezagunak zitzaizkigun arren, beste asko, ordea, ez genituen ezagutzen. Hona hemen adibide batzuk; Alde batetik, Lehen Hezkuntza eta DBH derrigorrezkoak ziren, gaur egun LOMCE finkatuta bi hauei zikloak gehitu zaizkio. Modu honetan porrot akademikoa ekiditu nahiean. Ziklo bakoitza amaitu ostean errebalida bat gainditu beharko da, eta gainera gainditu ezean ez da titulorik eskuratuko.

Bestetik, norberaren ikasle bidean bitan soilik errepikatzeko aukera izango da,norbanakoari ahaleginak eskatuz. Honekin lotuta behin errepikatu dutenek bakarrik jaso ahalko dute laguntza berezi bat. Adibideekin amaitzeko, guri gehien arritu gaituen artikuloa dugu, izan ere hemendik aurrera ikasle bakoitzari berarekin bat egiten duten graduak proposatuko zaizkio, beste era batera esanda, interesak alde batera utzita norberari ze komeni zaion esango diote.

Orain arte esandako guztia gure gustokoa ez izan arren, poztu gintuen artikulo bat ikusi genuen. Bertan irakurri genuen moduan Espainiar eta Euskal Gobernuen artean akordio batera iritsi dira eta euskara errespetatuko dela ziurtatu dute.

Esan beharra daukagu, LOMCE-ren aurka agertzen garela, izan ere aplikatu den legea gehiegikeria iruditzen zaigu, muga asko jartzen dituelako baieztatzen dutenek kontrakoa bermatzen duela dioten arren. Modu berean aniztasuna apuntzen duela uste dugu, lurralde bakoitzeko berezitasunak eta hitoria alde batera uzten dituelako.

Amaitzeko; honen inguruko informazio gehiago nahi izanez gero hemen sartu.

Hezkuntza sistemaren egitura berria (LOMCE)

Espainiako gobernuak pasaden urtean LOMCE delako legea aurkeztu zuen eta horren harira hainbat eztabaida eta mugimendu egon dira honek suposatuko dituen aldaketengatik. Gobernuak lege hau aplikatzeko duen arrazoia Espainiako hezkuntzaren egoera txarra da. Estatistikek argi uzten dute Europako beste herrialdeekin alderatuz eskola goiz uztearen tasak eta langabezia tasak oso altuak direla. Gainera kanpoko balorazioetan (PISA txostena adibidez) ez du iruzkin onik lortzen, atzerriko hizkuntzetan dagoen maila baxua azpimarratuz.

Aurretik aipatutako arrazoiak abiapuntu hartuz Espainiako gobernuak bete nahi dituen helburu nagusietako bat hezkuntza eskaintza arrazionalizatzea da, hau da, beharrezkoak ez diren eta orain arte indarrean zeuden hainbat zerbitzu kentzea. Adibidez, orain arte ikastetxeak arlo gehienak eskaintzera behartuta zeuden (ikasle kopuru minimo batek aukeratuz gero) baina erreforma honekin zentro bakoitzak nahi edota ahal dituenak eskainiko ditu, erraztasunak emanez adar bereko arloetan espezializatzeko. Gainera, hezkuntza sistemaren maila ezberdinen egitura aldatuko da, sistema eraginkorragoa eta merkeagoa izan dadin. Lehen hezkuntzan lehen hiru ziklo zirenak orain bi ziklo izango dira. DBH mailan bi ziklo mantenduko dira baina lehengoak 1. 2. eta 3. mailak hartuko ditut eta bigarrenak 4. maila. Honetaz aparte oinarrizko lanbide heziketa gehituko dute eta ikasleak honetan matrikulatuko ahal dira 3. maila bukatu bezain laster eta baita bigarrena bukatutakoan ere zenbait kasu berezitan. Azpimarratzekoa da DBHko laugarren mailan espezialitate aplikatuen eta akademikoen artean aukeratu behar dutela ikasleek, erabaki honen arabera izango direlarik lanbide heziketan edo batxilergoan.

Beste helburuetako bat hezkuntzaren etapa bakoitzean dagozkion helburuak lortu diren ala ez adieraztea da, hainbat azterketa ezarriz etapa bakoitzaren amaieran. Hasteko, lehenengo hezkuntzako hirugarren mailan proba bat egingo dute ikasleen zailtasun posibleak hautemateko eta horren ondoren irakasleek egoki deritzen neurriak hartuko dituzte. Seigarren mailan gobernuak diseinatutako azterketa bat egingo da ikasleen gaitasun ezberdinak neurtzeko eta honekin txosten bat idatziko da zentroei, irakasleei eta familiei bidaliko zaiena bakoitzak haren aldetik hobetu dezan. Bestalde, DBHn amaierako ebaluazio bat egin beharko dute titulua lortzeko, honetan lortutako notak DBH osoaren %30a balioko duelarik. Probak ezberdinak izango dira ikasleak batxilergoa edo lanbide heziketa egin nahi duenaren arabera. Azkenik, batxilergo amaieran ere ebaluazio bat ezarriko da, titulua lortzeko beharrezkoa dena eta notaren %40a balio duena. Ikusi ahal izan dugunez, proba horiek jartzearekin batera gobernuak ikasleen helburu eta bideak nolabait kontrolatuko ditu, hau da, hasieratik zailtasunak dituzten ikasle kopuru bat markatzen joaten da denborarekin hauek lanbide heziketara bidaltzen joango da goi mailako formazioa jende gehiegik eduki ez dezan.

Lehenago aipatutako helburuez gain, gobernuak ikasketa zentroen teknologia maila hobetu nahi du, gela birtuala bezalako baliabideak eskainiz. Atzerriko hizkuntzen ikasketa ere hobetu behar dela kontuan hartzen du gobernuak eta horretarako hezkuntza plurilinguearen oinarriak ezarriko ditu autonomia erkidegoekin batera. Gainera hizkuntzen ulermena oinarritzat hartzen saiatuko dira hemengo hizkuntzak bakarrik laguntza bezala erabiliz eta zentro guztietan adituak lortuz.

Gobernuaren proposamen honi buruzko informazio osoa Espainiako gobernuaren hezkuntza, kirol eta kultura ministerioaren webgunean ageri da, eta baita legea aurrera ateratzera eraman dituen arrazoiak ere. Guk ikusi ahal izan dugu hobetu behar diren gauzak nabariak direla Espainiako hezkuntza sisteman baina lege honek hori hobetu beharrean sistema eta ikasleak lehiakorragoak egiten dituela, hezkuntza egituraren berreraikitze osoa alor ekonomikoan arreta jarrita eginez.

LOMCE: etorkizuneko hezkuntza

Gaur egun arte izan dugun LOE hezkuntz-ereduaren alternatiba gisa, gobernuak LOMCE izeneko erreforma aurrera eraman du Espainia osoan. EAEren kasuan legea ez da bere osotasunean aplikatuko; izan ere, euskararen eta eskola-kontseiluaren alorrean indarrean zeuden eskubideak mantendu egingo dira. Haur Hezkuntzan izan ezik, Lehen Hezkuntzatik Unibertsitaterako bidean dauden ikasketa-maila guztietan aldaketa ugari nabarituko dira.

Lehen Hezkuntzari dagokionez, aurretik zegoen ziklokako antolakuntza (hiru ziklo) apurtu egingo da, eta sei maila ezberdinetan banatuko da. Irakasgaiak hiru bloketan: enborrekoak, espezifikoak eta erkidegoetan libreki zehaztu beharrekoak (Euskara eta Euskal Literatura EAEren kasuan). Ingurunearen Ezaguera irakasgaia bi arlotan banatuko da; alde batetik Gizarte Zientziak, eta bestetik Natur Zientziak. 4.mailan herritartasunerako hezkuntza desagertu egingo da. Arte hezkuntzari dagokionez, ez da derrigorrezkoa izango; eta Erlijioa edo haren alternatiba den Gizarte eta kultura baloreen artean aukeratu beharko dute ikasleek. Hirugarren eta seigarren mailetan bi errebalida ezberdin egongo dira. Lehendabizikoa autonomia erkidegoek arautu egingo dute, eta bigarrena aldiz, Espainiako Hezkuntza Ministerioak.

Derrigorrezko Bigarren Hezkuntza bi ziklotan banatuko da; lehenengo mailatik hirugarren mailara, eta laugarren maila. Lehen hezkuntzaren antzera, irakasgaiak hiru bloketan banatuko dira: enborrekoak, espezifikoak eta erkidegoetan libreki zehaztu beharrekoak (Euskara eta Euskal Literatura). Beste aldaketetako bat, herritartasunerako hezkuntza 2.mailan desagertuko dela da. Hirugarren mailan bi matematika ezberdinen artean aukeratu beharko dute ikasleek, ikasketa akademikoei zuzendutakoa batetik, eta ikasketa aplikatuei zuzendutakoa bestetik. Horren ondorioz, ikasleak bi laugarren maila ezberdinetan banatuko dira: irakaskuntza akademikoari zuzendutakoa (batxilergoa ikasi nahi duten ikasleentzat), eta irakaskuntza aplikatuari zuzendutakoa (Erdi Mailako Ziklo bat ikasi nahi dutenentzat). Oinarrizko Lanbide Heziketara joatek aukera emango zaie 4.mailara pasa ezin diren ikasleei, eta 2.mailan arazoekin dabiltzanei. DBHko titulua lortzeko gainditzea ezinbestekoa izango den errebalida bat ezarriko da laugarren mailan, Espainiako Hezkuntza Ministerioak diseinatu eta zuzenduko duena, eta titulu hori emateko ardura haren esku geratuko da. DBHko azkeneko nota honela antolatuta geratuko da: %70 DBHko nota, eta %30 errebalidan lortutakoa. Enborreko irakasgai guztiak eta bi espezifiko (EAEren kasuan ikasgai espezifiko bat euskera edo euskal literatura izan behar da) sartuko dira azterketa honetan.

Batxilergoarekin jarraituz, hiru modalitate ezberdinetan banatuko da, adar teknologikoaren desagerpenarekin: Zientziak, Humanitatea eta Gizarte Zientziak, eta Artea. Irakasgaiak hiru bloketan antolatuko dira: enborrekoak, espezifikoak eta erkidegoetan libreki zehaztu beharrekoak. Selektibitatea desagertu egingo da, errebalida berri bat ezarriz, DBHkoaren antzeko ezaugarriak izango dituena. Aipatzekoa den aldaketa bakarra ebaluatzeko modua izango da; izan ere, azkeneko notaren %60 batxilergoko nota izango da, eta %40 errebalidan lortutakoa.

Lanbide Heziketa titulu profesionala izango da, ez akademikoa, eta gaur egungo PCPI ordezkatuko du. Hamalau titulazio desberdin eskainiko dira eta ikasleak 15 urtetik aurrera izango du hemen sartzeko aukera.

Unbertsitateen kasuari eutsiz, aipatu beharrekoa da unibertsitate bakoitzak erabakiko duela bertan sartzeko bidea zein izango den. Gainontzeko irakasgaien maila berean kokatuko da Erlijioa. Erlijioa ebaluagarria izango da eta kontuan hartuko da beketarako.

Horretaz aparte, garrantzitsua da aipatzea sexuaren arabera banaketa egiten duten ikastetxeak diruz lagunduko direla. Gainera, diru publikoa erabili ahal izango da ikastexe pribatuak egiteko, eta ikastexeen emaitzetan oinarritutako rankina sustatuko dute.

Gai honen inguruan geneukan jakinmin handia eta informazio eza ikusita, gobernuak ezarritako hezkuntza-erreformaren inguruan gehiago sakontzea erabaki genuen, EspainiakoHezkuntza, Kultura eta Kirol Ministerioaren webgunean eta LOMCEren aurkako EAEko irakasleen plataformaren webgunean erraztutako informazioa aztertuz. Gai hau jorratzeko arrazoi nagusietako bat etorkizuneko hezkuntzarekiko daukagun kezka izan da, bai gure seme-alabek eta bai irakasleok pairatu beharko baititugu lege honen ondorioak. Gizarte-gatazka bat dago gai honen inguruan, eta jendearen pasibotasuna eta informazio urria nabaria da.

Elkarrizketa eta ondorioa

Elkarrizketaren Ondorioa

Jon Javier Rodriguez

Entrebista txikitan izan nuen ingeles irakasle bati egin nion, ikastolara junda ta galdetuz.
Hasieran nahiko urduri geunden, batez ere bera, baina galderak joan ahala giroa lasaitu zen,
eta gutxika gutxika elkarrizketa jarioa bihurtu zen. Entrebistatik gehien maitu izan dudana
bere anektodak entzutea izan da, adibidez bere irakasle lehenengo urtetan pasatu zitzaion
historieta bat, ijito batekin eta nola azkenean konpondu egin zuen gurasoekin zenbait elka-
rrizketa izanda.


Entrebistatik ikasi dut irakaslearen lana ez dela erraza, eta askotan gainazartu ahal gai-
tuzten egoerekin aurki gaitezkela: umeen harteko liskarrak oso bortitzak izatera hel daitzeke,
eta beste askotan gurasoak arazo larriak ekartzen dituzte. Baina baita ere ulertu dut arazo
larri horiek konpondu ahal direla, eta oso garrantsitzua dela burua beti hotz mantentzea,
egoera begi hurbilez analizatzea eta zer punturaino lagundu ahal dugun estimatzea, horrela
egoera gu gainazartzen ez utziz.


Bukatzeko, aipatu nahi dut irakaslea arritu ninduela, ez nekine hainbeste egoeretatik irtenda
zela, eta nola naiz eta traba ugari aurkitu bere irakasle ibilbidean zehar, beti jarraitzeko
gai izan da, bere irakasteko eta hezitzeko motibazioa mantentzeko gai. Gainera, antzeman dut
traba horietako bakoitzean asko ikasi duela, akatsak atzera bota ezean irakasle osoago batean
bihurtu dute,

Irakasleari elkarrizketa

Nire bizitzan zehar eduki ditudan irakasleen artean miresgarriena niretzat Xabier Iturbe izan da, nire batxilergoko filosofia irakaslea. Beste irakasle jator eta on batzuk izan ditut ere bai baina honenak izan dira gehien gustatu zaizkidan klaseak.

Berarekin izan nuen elkarrizketarekin oso gustura geratu nintzen, izan ere hasi baino lehen urduri nengoen laburregia eta hotzegia geratzeko beldurrarekin. Nire ustearen kontra, guztiz irekita agertu zen bere irakasle bizitzari buruz edozer gauza kontazeko. Hasieratik banekien irakasteko gogoak azpimarratuko zituela faktore garrantzitsuena bezala, ageri baita berak handiak dituela oraindik. Gainera, ikasleari ezagutza transmititzeaz gain oso garrantzitsua iruditzen zaio honek suposatzen dituen zailtasunak gainditzeko gogoak edukitzea eta jartzea. Ikaslearen eguneroko bizitzaren ingurugiroa (lagunekiko duen harremana, etxeko eta familiaren egoera, egoera sozioekonomikoa...) ere kontuan hartu beharrekoa dela dio, honek ikasleak behar dituen laguntzak erakusten dizkiolako irakasleari.

Elkarrizketan zehar erantzun batek nire arreta deitu du. Xabierrek dio berak hainbat alderditan aldatuko lukeela filosofiako urteko programa. Izan ere, kalifikazio irizpideak (non azterketek duten garrantzi gehiena) ez ezik, materia lantzeko prozedurak (apunteen irakurketa sinplea, hausnarketarik gabea) eta materiaren hautapena (autore edo korronte filosofikoak selektibitaterako finkatuta daude aldez aurretik) aldatuko lituzke. Asko gustatuko litzaioke ikasleen artean eztabaidak eta hausnarketak egitea haiek interesgarrien deritzoten korronte filosofikoei buruz, baina badaki unibertsitatera sartzeko hautaproba ere prestatu behar dela, nahi eta nahi ez.

Azkenik, irakasle bezala duen esperientzian izan dituen hainbat zailtasun kontatu zizkidan, mota ezberdinekoak. Kasu batean ikasle batzuek bere eskoletan liskarrak edukitzen zituzten eta ez ziren klasera joaten (DBH izanik) baina azkenean haiekin ondo moldatzea lortu zuen haiengan interesa piztuz. Indarkeria gehiago izan duten arazoak ere eduki ditu baina berak gomendatzen duena guztien aurrean lasaitasunez eta kontu handiz aritzea da. Oso garrantzitsua da ikasleekin (edo haien gurasoekin) berdinen artean aritzea, hura lagundu nahi duzula argi utziz, bere eskubideak urratu gabe.

Polita iruditu zait elkarrizketa hau burutzea eta argi daukat gaur entzundako hainbat gauza kontuan izango ditudala etorkizun ez hain urrun batean.

Elkarrizketaren ondorioa

Ikasle naizenetik irakasle miresgarri ugari eta oso ezberdinak izan ditut. Dena den, lehen hezkuntzan izandako Gorputz Hezkuntzako irakaslea da nik izandako irakasle miresgarrriena nire ustez, Maite. Hori dela-eta, egokia iruditu zitzaidan berari egitea elkarrizketa, eta gehiago ezagutzeko balio izan dit.

Hasiera batean, nahiko urduri joan nintzaion irakasleari, ez bainekien harreman ona izango nuen berarekin ala ez. Hala ere, denbora pasa zen heinean elkarrizketak aurrera egin zuen, eta nahiko gustora sentitu nintzen orokorrean.

Elkarrizketa hastean galderak egiteari ekin nion, eta hitz egiten geunden bitartean, bururatzen zitzaidan galdera interesgarri oro ere komentatu nion. Denbora pasa ahala, Maitek eta nik mantendu genuen elkarrizketan aldaketa nabaritu zen, amaieran hasieran baino dinamikoagoa baitzen, lagun artean egiten denaren antzekoa.

Orokorrean, aipatzekoa da irakasle horrek irakasteko zeuzkan gogoak, hainbeste urte irakaskuntzan egon ondoren, irakasteko ilusioa galdu gabe baitzuen oraindik. Irakasle on baten profilari buruz hitz egitean, irakaslearen formakuntza egokia oso garrantzitsua zela azpimarratu zuen; bai-eta irakasteko gogoa, “laneko esperientzia klaseko teoria baino garrantzitsuago zela” gehituz. 

Laburbiluz, esan beharra daukat hasiera batean urduri egon arren, nahiko gustora egon nintzela elkarrizketa osoan zehar berarekin, eta irakasle izateko gogoa apur bat gehiago piztu zidala. Etorkizunean lanean elkarrekin egotea ondo egongo litzakeela ere esan zuen, eta nahiko poztu ninduen hori esatean egia esan. Nahiko ekintza positiboa iruditu zait, eta irakaskuntza mundura apur bat gehiago hubiltzeko modukoa.

ELKARRIZKETA

DBH-ko laugarren mailan euskarako irakasle bat izan nuen, Asier Bilbao. Egia esan nahiko tipo xelebrea iruditzen zaigu bere ikasle izandako guztioi, beste irakasleekiko ezberdin egiten dion zeozer baitu.

Astean zehar lotu ginen elkarrizketa egiteko baina ez ikastetxe barruan gehiengoak egin duen moduan. Kalean elkartu ginen, eta elkarrizketa pote bat hartu genuen bitartean burutu genuen.

Izan ere, bai nire aldetik zein irakaslearen aldetik kutxin erosoago egongo ginela uste izan nuen, biok bizi garelako alde zaharrean. Hasieratik lasaitasun osoz hartu nuen kontua, banekien elkarrizketa berari eginez gero ondo aterako zitzaidala, oso harreman ona dugulako gure artean eta laguntzeko prest egongo zelako.

Egunean bertan pixkat lehenago iritsi nintzen, eta Asier gerturatzean hanka bihurritua zuela ikusi nuen. Berak azaltzen duen moduan orain Kanpezuko ikastolan dago eta umeekin jolasean erori eta hankan min hartu zuen. Modu honetan jakin nuen aurten nire lehengusina txikiari klase ematen diola. Gure edariekin batera kanpoko mahai batean eseri ginenean hasi genuen elkarrizketa.

Lehenengo galderarekin argi geratu zen; irakaskuntza mundua ez zela inoiz bere helburua izan.

Bere esanetan sukaldari izan nahi zen eta hautaprobako gradu aukeraketan erizaintza lehenengo, gero hezkuntza eta azkenik arte ederrak aukeratu zituela azaldu zidan. Baina inolako arrazoirik gabe, betetzearren egin zuela, zeozer aukeratzeagaitik besterik ez. Baina zoritxarrez ez zuten ez Leioan ez Galdakaon hartu, beraz fabrika batean lan egiten hasi zen Bermeoko portuan.

Hala ere garai horretan magisteritza ikasten zegoen bere lagun batek matrikula egin zion, eta hiru urteko gradua amaitu zuenean euskal filologia ikasi zuen. Azkeneko gradu hau amaitu zuenean Barrian aritu zen begirale gisa eta bertan ikusi zuen ume gazteekin izugarrizko giro ona sortzen zuela, oso ondo konpontzen zela beraiekin.

Geroago irakaskuntza munduan daramatzan 19 urte hauetan zehar izan duen egoera edo gertakaririk txarrena azaltzeko eskatu nion. Nahiko pertsona berezia dela esanda dago eta behin, horren ondorioz ikasle batekin arazo bat izan zuen, ikaslearen esanetan Asier “makarra” edo bortitza zelakoan. Beranduago gurasoak ere sartu ziren haien harteko kontuetan, irakaslea ezagutu gabe epaituz.

Gertaerarik politena azaltzeko eskatu nionean bere erantzuna honako hau izan zen: “urtero dut zeozer polita, asko ikasten da ikasleengandik”. Baina azkeneko urte hauetan azpimarratu beharreko egoera bat koldo Mitxelenan gertatu zitzaion, nirekin hain zuzen. Izan ere oroitzen den moduan, behin ikasleok eserialdi bat egiten geundela Asier bezalako irakasle gehiago behar genituela oihukatu nuen, eta hori gordeta geratu zitzaiola esan zidan.

Irakasle on bat izateko zer egin behar den galdetu nionean, ikasleak bereganatu behar direla argi utzi zuen. Irakasle baten berezko lana erraza da, dakizuna azaldu eta listo. Baina ikasleak ez badituzu bereganatzen galduta dituzu. Hau da, konturatu beharra dago ikasle hoiek etorkizun batean pertsonak izango direla eta beraz ez dela urtebeteko kontua, ez dela klasea eman eta agur, harremanak zaindu egin behar dira, berak gurekin egiten duen moduan.

Ikasleak bereganatu ostean beste guztia bakarrik datorrela esanez amaitu zuen galdera honekin.

Gutxitan izan dut Asier bezalako irakasle bat, izan ere bere klaseak ezberdinak dira,”ez-ohikoak” batzuentzako. Eta aurrekoarekin lotuta zegoenez, bere dinamikaz galdetu nion. Galdera honi erantzuna bilatzeko bere ikasle garaia azaldu zidan; nahiko baldarra, bitan errepikatutakoa, irakasleak esaten zuena inolako interesik pizten ez bazion “deskonektatu” egiten zuena.. Horrelakoa izan zen gure laugarren mailako irakaslea.

-Orduan urteen poderioz konturatzen zara, ikasleak bereganatzen ez badituzu, jai duzula. Bai, ikasleak han egon daitezke mahaietan, guri begira, ikasi eta gainditu. Baina nik ez nuen hori nahi, horregaitik klase guztien hasieran zelan dauden galdetzen diet, astuburuan zer egin duten..Ez dakit zerbait. Eta azken finean nire ikasgaia hizkuntza denez nire helburua Gasteiz baten hizkuntza erabiltzea da. Ez badugu hizkuntza erabiltzen nor-nori-nork eta deklinabideak ez dute ezertarako balio. Hala ere, gela batean ez zara denen guztuko izango eta hori onartu egin behar da. Batzuekin interakzioa oso ona zen, gai zinetelako ni jarraitzeko bai onean zein txarrean.

Azaldu zidan moduan, bere ustez gauzarik garrantzitsuena hizkuntza erabiltzea zen, horregaitik bere ikasgaian azterketa ez da inoiz garrantzi handikoa izan. Gainera, esan beharra dago, nahiko arraroak zirela, aurretik ikasteak ez zuelako ezertarako balio edozer sar zitekeelako, orduak nola idatzi, animaliak eta beraien onomatopeiak, sinonimoak eta abar.

Honen inguruan hitz egiten jarri ginenean, aitortu egin zidan “nire azterketak inoiz ez gainditzeko modukoak ziren”. Izan ere kontua ez da aurreko hilabetetan ikasitakoa islatzea, hizkuntza gisa barneratzen dena azaleratzea baizik, idatziz zein hitz eginez.

Argi ikusi den moduan asko miresten dut Asier, bai pertsona edo irakasle gisa. Gela batean sortzen duen giroagaitik eta baita ere kalean nolakoa den dakidalako. Kasualitates irakasle moduan amaitu duen batek inoiz ahaztuko ez ditudan gauzak erakutsi dizkidalako.

Bat batean galderatxo bat bota nion, izan ere begiko genuen irakasle bati egiteko esan ziguten eta Asier aukeratuta aholku baten bat eskatu nahi nion. Oso ondo ezagutzen nauelako eta egia esateko momentuan ez duelako beldurrik. Gauzak horrela, zer aldatu beharko nuke galdetu nion. Baina ia gehienetan bezala zerikusirik ez zuen zerbaitekin hasi zen;”Kautak abesti bat. du... izan zaitez zu.” Ba hori, besterik gabe, izan zaitez zaren modukoa. Azken finean pertsona ona bazara irakasle ona izango zara.Trukoak eta gela batean lehen aldiz sartzen zarenean ikasiko dituzu. Izan ere gauzak nola egin behar ez diren ikasiko duzu, hortik gero norbere bidea egitea da”.

Elkarrizketatik ateratako ondorioa

                                           

     Gotzone Etxeberria irakaslea , Bilboko ikastetxe publiko batetan lan egiten du duela hogeita hamabost urte. Berarekin elkarrizketa bat eduki ondoren, ondorio asko batzuk atera ditut. Elkarrizketa nola joan den eta bertatik atera ditudan ondorioak azalduko ditut.

    Elkarrizketa, ni hamaika urte nituenean, klaseak eman zidan Gotzone Etxeberria lehen hezkuntzako    irakaslearekin izan da. Elkarrizketa horretan hainbat gaitaz hitz egin ditugu eta nire etorkizunari begira asko lagundu didalakoan nago. Elkarrizketa tentsio apur batekin hasi zen. Izan ere Gotzonerekin duela zazpi urte ez nuela holako elkarrizketa bat izaten. Bertatik atera nituen ondorioetako batzuk azalduko ditut. Berak kontatu zidan moduan, ez zuen argi zer ikasi nahi zuen eta bere amak magistetitza ikastera animatu zuen. Horretaz gain , umeak asko gustatzen zitzaiolako aukeratu zuen ikasketa horiek. Gotzonek komentatu zidan irakasle izatea ez digutela unibertsitatean irakasten, umeei klaseak ematen eta haiekin harremanetan egoten baizik. Unibertsitatean gehien ikasi zuen momentuan praktiketan izan zen. Bertan hasi zen umeekin kontaktua edukitzen irakasle moduan.

    Gaur egungo irakasteko metodoari dagokionez , metodo egokia ez zegoela ondorioztatu nuen. Izan ere 6-12 urte bitarteko irakaslea zarenean, laster konturatzen zara, azterketa bat ezin dela izan ebaluatzeko tresna bakarra. Adin horretan irakasketak askoz ere intuitiboak dira, ikasleak askoz motibatuagoak daude eta erabiltzen den metodogia ez da bakarrik memorian oinarritu behar baina dena den memoria lantzea ere garrantsitsua da. Ala esan zidan.

    Beste gai batetik abiatuta, klaseak eman zituen lehenengo egunagatik galdetu nion eta aurpegi arraroa jarri zidan… Izan ere bere irakasle lehenengo egunean ikasleek broma txiki bat egin zioten. Haien izenak galdetu zizkienean guztiak izen faltsu bat esan zioten, baina esperientzia ona izan zela esan zidan. Hari beretik jarraituta, espero ez nuen gauza bat kontatu zidan. Irakasle bizitzan bere momenturik onena eta txarrena zein izan zen galdetu nionean, Gotzonek honako hau erantzun zidan: ”Zalantzarik gabe poz handia sentitzen dut ikasle bat irakurtzen hasten duenean, edo lehen hitza idazten duenean…. eta modu berean , asko arduratzen eta urdurutzen naiz ikasteko arazoak dituztenean, edo familietan arazoak sortzen direnean…. Ez da gustokoa  izaten gurasoei, beraien seme-alabek arazoren bat dutela azaltzea.”

    Bestalde, irakasle bizitzan bizi duen egoera zail bat kontatu zidan.  Azaldu zidan moduan, arratsaldero ikastolatik irten ondoren ikaste talde bat jolastokian gelditzen zen jolasten. Jolasen artean, inguruko etxeetako leihoetara  harriak botatzea bat zen. Goiz batean, auzokide bat etorri zen nigana (zuzendaria nintzen) gure ikasle batzuk bere etxeko leihoa harriak botata apurtu ziotela azalduz. Gotzonek zuzendari bezala harriak botatako ikasleei zigor bat jartzea erabaki zuen. Ikasleen gurasoei ez zitzaien ondo iruditu jarri zien zigorra eta haserretu egin ziren. Egorea hori konpontzeko, bilera bat eduki zuten eta dena konpondu zuten baina Gotzonerentzak egoera ez zen batere erreza izan. Berak esan zidan moduan, arazo baten aurrean konpontzeko planteatzen dituzun pausoak ez dira zuk nahi bezala ateratzen baina horrelako egoeratik ere asko ikasten da. Bilera horretaz gain kurtsoan zehar ikasleen gurasoekin bilera batzuk izaten dituzke haien seme-alaba ikasketetan zelan dabilen komentatzeko. Bilera horiek batzuetan oso erosoak izaten dira umea ikasle ona denean eta portaera egokia izaten duenena, baina kasu askotan guztiz aldrebes gertatzen da eta umea zailtasunak ditu ikasteko orduan eta klasean duen portaera ez da egokia. Beraz egoera horietan zaila izaten omen da gurasoei hori azaltzea.

    Horretaz gain,  irakasle on bat izateko pauso zehatzak ez zizkidan komentatu. Irakasle perfektu bat oso zaila da izatea, baian ondorio interesgarri batzuk atera nituen . Badira maisu batzuk arlo batzuetan bikainak izango direla eta beste batzuk beste arlotan, baina gaur egun oso garrantzitsua  deritzot  irakaslearen rola zein den ondo zehaztea. Ikasleek argi izan behar dute irakaslea irakasle den momentuan ez dela laguna, bere gaitasunak garatzen lagunduko diona baizik. Gurasoak bestalde, irakaslearen lana eta beraiena zein den argi izan behar dute, askotan irakasleei etxean ikasi behar dituzten jarrera eta ohitura batzuk ez dizkietela eskolan irakasten leporatzen dizkiete.

     Nabarmen entzuten hari da irakasleak lan bikaina daukatela opor pilo dituztelako, lan gutxi dutelako, lan erreza delako……, baina niri elkarrizketa hau eduki ondoren argi gelditu zait zurrumurru guzti horiek gezurra direla eta bakarrik irakasleak direnak  dakitela lan hau nolakoa den. Gotzonek esan zidan moduan,”Lana ez da erreza, nekagarria da oso. Ikasleekin ,gurasoekin ,lankideekin, Hezkuntza sailekoekin… lan egin behar dugu. Oporraldia luzea da beste lanbideekin konparatuta baina guztiz konbentzituta diot : guztiz mereziak dira!!!”

     Bukatzeko, gaur egungo krisiaren ondorioz, lana topatzeko aukerak nahiko eskasak dira. Egoera oso larria da eta Unibertsitatean dauden ikasleak nahiko meritu dute lanerako dauden aukera urriekin ikasten jarraitzen dutelako, baina gustuko duzun zerbait ikasten baduzu, lan gehiago egingo duzu eta beraz aukera handiagoak izango dituzu lana bilatzeko. Egia esan, gauza bat argi izan behar duzu: edozertan lan egiteko prest egon behar gara gure gustuko lan bat bilatzen dugun arte. Elkarrizketatik atera nuen ondorio garrantzitsuena, Unibertsitatean ikasten dugun bitartean umeengana hurbildu behar garela da. Haiekin harremanetan jarri ahalik eta ondoen ezagutzeko gero gure ikasleekin erresago moldatzeko.

     Azkenik esan dezaket, elkarrizketa oso interesgarria iruditu zaidala eta nire etorkizunari begira gauza asko ikasi ditudala. Orain Unibertsitatean ikasten nabilela, ahalik eta gehien ikastea eta esperientzia lortzea da daukadan helburua.

Irakasle bati elkarrizketa

       Gaur nire irakasle ohi batekin elkartzeko aukera izan dut. Bere izena Lontxo da eta Gorputz Hezkuntza da bere espezialitatea. Denbora asko igaro denez azken aldiz elkar ikusi genuenetik, elkarrizketa hasi aurretik gure azkenaldiko bizipenak kontatu dizkiogu elkarri.

       Behin elkarrizketa hasita, oso gustura erantzun dizkit egindako galderak, eta nik ere arreta handiz entzun ditut bere hitzak, etorkizunean berak kontatutakoa bizi dezakedalako.

       Batez ere bi momentu zail azpimarratu ditu bere bizitzan. Alde batetik, karrera amaitzean lana aurkitzeko izan zituen zailtasunak; eta bestetik, zuzendaritza taldean egondako urte gogorrak. Hala ere, zailtasun hauetatik irten ahal izan zen inolako arazorik gabe. Umeren batekin ere arazoak izan dituela aipatu du, baina lasaitasuna mantentzea, egoera kontrolatzea eta buruarekin jokatzea oso garrantzitsua dela nabarmendu du.

       Horretaz gain, irakasleek formakuntza egokiagoa jaso beharko luketela azpimarratu du, izan ere, harentzat garrantzitsuena eguneroko bizitzan (irakaskuntzan) nola jokatu behar duzun jakitea da.

       Bere espezialitatea Gorputz Hezkuntza izanik, ikasgai honen egoerari buruz galdetu diot eta bere erantzuna argia izan da. Bere ustez ikasgai honi garrantzia gutxi ematen zaio, eta errua gizartearena eta hezkuntza sistemarena da.

       Azkenik, irakasle on batek behar duenari buruz galdetu diot eta berak hiru ezaugarri proposatu ditu: formakuntza egokia, bokazioa eta inteligentzia emozionala, hau da, jendearekin erlazionatzen jakitea, psikologikoki ikasleak ezagutzea...

       Niretzat eredugarria izan den irakasle baten hitzak entzuteak, gauza berriak ikasteko balio izan dit. Gustura egon naiz bere esperientziak entzuten eta nire etorkizunean aurki dezakedanaz ohartu naiz.

La educación prohibida

Iritzi ezberdin asko daude gaur egungo hezkuntzaren inguruan. Ikusitako dokumentala horren adibide garbia izan daiteke, pentsamendu ezberdineko irakasle ugari ageri baitira bertan. Gutxi batzuk gaur egungo hezkuntza sistema defendatzen dute; beste batzuk ordea, gizakiaren garapenaren oinarri izan behar dela diote. Lan honen inguruan gehiago sakontzeko era askotako iritziak aztertu ditugu.

Alde batetik, bideoan indibidualismoa sustatzen dela dio irakurri dugun kritiketako batek, gizakiaren garapen eta nahi indibidualak asetuz. Bestalde, dokumentalaren aurka dagoen beste argudio nagusietako bat, bertan defendatzen den ereduak hezkuntzaren pribatizazioa onartzen duela da. Izan ere, kontrako argudioak esaten duen moduan, filman agertzen diren irakasle, pertsona, zein lekuek goi mailako gizarte bat irudikatzen dute, eta ez pobrezia edo herri xumea. Dena den, azpimarratu beharra dago dokumental honek hezkuntza ereduaren inguruan hitz egiten duela, eta ez eskola publiko edo pribatuei buruz. Horregatik ez gaude kritika honen alde, bi kontzeptu ezberdin nahasten baititu.

Gure ustetan eta dokumentalaren arabera, gaur egungo hezkuntza sistema  kapitalismoaren oinarri nagusietako bat da. Izan ere, errobotak besterik ez ditu garatzen, norbanako gisa eduki daitezken berezitasunak kontuan hartu gabe eta modu berean ikasleen arteko lehiakortasuna bultzatuz.

 Horretaz gain, urteak pasa diren heinean gizartea ere aldatu egin da, baina badirudi hezkuntza zaharkitua geratu dela, materia zein tresna berritzaileak sartu arren, eredua ez delako garatu. Filmarekin ia osotasunean bat egiten dugun arren, aipatu beharreko kontu bat daukagu, izan ere, ez du inolako konponbide edo alternatiba zehatzik proposatzen.

Laburbilduz, dokumentalarekin bat gatoz gaur egungo hezkuntza kapitalismoaren oinarri bat dela dioenean, leihakortasuna gehiegi sustatzen duelako, garapen indibidualaren ordez enpresa handietara bideratutako banakoak sortuz eta sormena suntsituz. Beraz, gure ustez eskolan irakurtzen, idazten eta eragiketak egiten irakasteaz gain, garapen pertsonala askoz gehiago sustatu beharko litzake, eta elkarlana bultzatzen duten alternatibak aurrera eramanez.

LOMCEren ondorioak

Diapositiben aurkezpen honek LOMCE delako lege berriak eragingo dituen aldaketa nagusiak erakusten ditu. Aldaketen artean, dirulaguntzen eta hezkuntzarako aurrekontuaren murrizketak daude. Hauen eraginez, baliabide gutxien dituzten ikasleak hezkuntza sistematik kanpo geratuko dira hainbat kasutan (unibertsitatera sartzeko matrikula ordaindu ezinean, atzerrira joateko bekak...) edo zailtasun handiekin ibiliko dira ikasi ahal izateko.

 Bestalde, beste hizkuntza ofizialen garrantzia jaitsiko da (gurea barne) gaztelerari statusa igoz eta Eusko Jaurlaritzari hainbat konpetentzia kenduz. Hortaz aparte, legeak balore erlijioso eta tradizionalak berriro ezarriko ditu, batxillergoan erlijioko arloa notarako balioko duelarik. Sexu bereizketa egiten duten ikastetxeek ere berriro jasoko dituzte dirulaguntzak.

 Taldekideok ondorioztatu dugu lege honen ondorioz hezkuntzaren kalitateak nabari egingo duela behera eta ikasleon eskubideak murriztuko direla (bereziki euskaldunenak).

Irauli ezazu hezkuntza sistema!

  

 Gaur egungo hezkuntza sistema zer bidetik doan ikusita bideo hau nahiko egokia iruditu zaigu irakasleen errealitatea azaltzen baitu. Izan ere, irakasleak gero eta kaltetuago azaltzen dira eta hauek egiten duten desobedientzia bideoan laburki azaltzen da.

Etorkizuneko hezkuntza

Gure taldean irudi hau aukeratu dugu gure ustez gaur egungo eta etorkizuneko hezkuntzaren ispilua delako. Adibidez, gure graduan ere hainbat klase ordutan ez dago tokirik ikasle guztiak esertzeko, hauek zutik edo lehioetan eserita egon behar dutelarik. Egoera hau, urtero gobernu ezberdinek egiten dituzten murrizketen ondorio da. Argi dago gauzek horrela jarraitzen badute ikasleek baldintza okerragoetan eta deserosoagoetan ikasiko dutela, hau da, irakasle eta baliabide gutxiago izanez gero hezkuntzaren kalitatea jaitsi egingo da. Egoera hau salatzeko eta gure desadostasuna adierazteko irudi hau aproposa iruditu zaigu.

Garun Paralisia

Aukeratu dugun web orria garun paralisiari buruzkoa da. Web orri honek garun paralisiaren inguruko informazio interesgarria ematen du. Ume hauen inguruan interesa izatekotan web gune honetan sartu, ez izan zalantzarik. Guri web orri honek arreta deitu digu ume hauen hezkuntza oso garrantzitsua delako, eta nahiz eta gure aukera berdinak ez izan, haiek ere hezkuntza duina merezi dutelako.